Harrotasun haundiarekin jakinarazten dautzuegu I-ENERen 2 zentral fotovoltaiko gehiagoren elektrizitate ekoizpena Enercoop kooperatibari saldua izanen dela 2022tik goiti!
Izurako elizaren instalazio fotovoltaikoaren ondotik (9kWp), Hendaiako herriaren lokaleko (100kWp) eta Arruntzako eskolako zentralek (9kWp) Enercoop argindar berriztagarri hornitzailea alimentatuko dute.
I-ENERen funtsezko xedea argindar ekoizpen osoa ENARGIA-ri saltzea bada ere, azken honi « eroste obligazioan » elektrizitatea erosteko baimena eskas zaio, estatuaren diru laguntzen eskuratzeko ezinbestekoa dena. Enercoop-ek aldiz baimen hori badu, bainan zentral kopuru mugatu batentzat baizik.
Energia berriztagarri hornitzailearen ekoizpen sarea indartzeko asmoan, orain arte EDF-ekin kontratupean ziren 2 zentral fotovoltaiko Enercoop kooperatibari pasaraztea deliberatua izan da.
Hala ere, aukera ukan bezain laster, I-ENERen argindar salmenta kontratu guziak ENARGIArekin eginak izanen dira.